Уапсен 46-годишник поради сомнение за незаконски риболов, пронајдени 10 килограми риба, мрежи и гумен чамец

Министерство за внатрешни работи соопшти дека на 10.05.2026 во 10:00 часот во селото Криволак, неготинско, полициски службеници од ОВР Неготино го лишиле од слобода И.С.(46) од Криволак.На патниот правец Криволак–Пепелиште било сопрено патничко возило „фолксваген голф“ со неготински регистарски ознаки, управувано од И.С., при што при извршен преглед во возилото биле пронајдени и одземени 10 килограми риба, мрежи и гумен чамец, поради основи на сомнение за незаконит риболов.За случајот бил известен јавен обвинител, а по целосно документирање на настанот против лицето ќе биде поднесена соодветна пријава.