СВР Битола информира дека на 26 април 2026 година, во 21:06 часот, во ОВР Прилеп било пријавено дека на регионалниот пат Прилеп–Крушево, во селото Врбјани, се случила сообраќајна несреќа помеѓу патничко возило „ланд ровер“ со прилепски регистарски ознаки, управувано од А.Џ. (28) од Прилеп, и патничко возило „опел вектра“ со крушевски регистарски ознаки, управувано од Н.З. (32) од Крушево.Во несреќата, возачот на возилото „опел вектра“, Н.З., се здобил со тешки телесни повреди, по што бил пренесен во болницата во Прилеп, каде им подлегнал на повредите. Лекар констатирал смрт.Со телесни повреди се здобила сопатничката С.Б. (29) од Прилеп, како и возачот на „ланд роверот“ А.Џ., при што повредите се констатирани во Општата болница во Прилеп.На местото на несреќата бил извршен увид од јавен обвинител и увидна екипа на ОВР Прилеп.
