(Во живо) Сања Антиќ бара развод од сопругот поради малтретирање: Обвинителството од насилникот направи жртва

Сања Антиќ, во „Претрес со Ландов”, говори за пеколот кој го минала како жртва на семејно насилство, но и дека го пријавила ова. Најголем револт е што не ја добила потребната помош од институциите. Таа има две деца, со сопругот стапила во брак по долга врска. По 6 месеци од бракот почнува насилството врз неа.„Немаше причина за ова. Тој ме нападна додека го доев детето кое падна меѓу нас. Го земав детето и му кажав да замине од куќата. По три дена се врати. Заради детето го вратив дома и тоа беше грешка, зошто не се сменија, туку се влошуваа работите. Јас имав здравствен проблем и кога останав без работа, почна психичко малтретирање”, вели Антиќ.Таа здравствено не можела да излезе надвор, а детето ѝ било единствена утеха. Мајка ѝ починала еден месец по венчавањето.„Се надевав дека со доаѓањето на детето ќе се смени. Повторно ме нападна кога бевме сами дома. После пет години поднесов барање за развод кога при напад ми беше загрозен животот. Виновна сум што не го пријавив по првиот напад. Сакаше да одиме во брачно советувалиште за да ме направи неспособна да се грижам за децата”, говори Сања во ,, Претрес”.Таа молчела долго време и сакала договорен развод, но сопругот тоа го одбивал. И се заканувал дека можеби ќе ѝ се случи сообраќајна несреќа.„Бараше да потпишам дека до крајот на животот нема да имам друг маж, само под тој услов ми кажа дека ќе ми даде развод. Ми рече дека со години ќе се влечеме по судови. Не е зависник од алкохол и дрога. На 18 март 2025 дојде и почна вулгарно да ме навредува и да ме колне мене и семејството. Ми кажа дека има и оружје и физички ме нападна. Ми удри шлаканица и ме давеше. Секаде кажав, и во полиција и во обвинителство. Кога виде дека дојде полиција, отиде и сам се пријави и кажа дека јас сум го пријавила, што не е точно. Не сакав децата да живеат во нефункционално семејство и затоа се решив на овој чекор. Обвинителството го направи насилникот жртва. После го тепаше и детето”, вели Антиќ.Во вториот дел од „Претрес”, гостин ќе биде адвокатот Ангел Ѓорѓиев, адвокат на осудените Демирови кои користеле социјална помош, а во исто време поседувале и купувале луксузен возен парк.