Основно јавно обвинителство Скопје поведе постапка против три лица осомничени за кривично дело „насилство“ по член 386 став 3 во врска со став 1 од Кривичниот законик, по вчерашниот инцидент во Бутел.Според Обвинителството, на 7 април осомничените – татко и неговите два сина – во група малтретирале и грубо навредувале двајца оштетени, предизвикувајќи чувство на страв, несигурност и загрозување во јавноста.Како мотив се наведува одмазда. Осомничените ги пресретнале оштетените на нивното работно место во „АД Гробишта Бутел“, по што започнале физичка пресметка.Тие удирале со боксирач и боксови, замавнувале со нож, а во еден момент првиот осомничен извадил гасен пиштол и го удрил едниот од нападнатите во главата, при што пиштолот испукал.Од нападот, двајцата оштетени се здобиле со повеќе телесни повреди.Јавниот обвинител до судијата на претходна постапка доставил предлог за определување мерка притвор за тројцата осомничени, поради опасност од бегство и можност за повторување на делото.
Сподели го овој напис