СВР Велес поднесе кривична пријава против 45-годишен жител на Неготино поради сомнение за сторено кривично дело „оштетување и неовластено навлегување во компјутерски систем“.Според полицијата, на 03.02.2026 година, пријавениот неовластено го искористил бројот на уверение на овластена сметководителка, кој бил јавно достапен на веб-страницата isos.com.mk, и го употребил при поднесување завршна сметка во Централниот регистер.Оштетената истиот ден добила известување по електронска пошта дека правно лице од Неготино поднело завршна годишна сметка со нејзиното уверение, без нејзино знаење и согласност, при што таа не ја изработила наведената сметка.Во службен разговор извршен на 24.02.2026 година, пријавениот, кој е управител на правното лице, изјавил дека ја поднел сметката бидејќи неговиот сметководител не бил внесен во Централниот регистер, па го презел бројот од јавно достапната веб-страница и го искористил при поднесувањето.
