Вчера на целата територија на државата, полициските службеници лишија од слобода осум возачи, од кои пет на подрачјето на СВР Битола, еден на подрачје на СВР Струмица и двајца на подрачје на СВР Охрид. Тројца од лишените на подрачје на СВР Битола управувале возило без возачка дозвола, еден под дејство на алкохол, додека еден управувал возило под дејство на алкохол и предизвикал сообраќајна незгода.Возачот на подрачјето на СВР Струмица, исто така, управувал возило под дејстов на алкохол и предизвикал сообраќајна незгода. Еден од лишените возачи на подрачје на СВР Охрид управувал возило и покрај тоа што има забрана, а другиот управувал возило без возачка дозвола и под дејстов на алкохол. По целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.
Сподели го овој напис