Ако дипломата не вреди, ако професорот не е почитуван, ако ученикот е преоптоварен, ако занаетчијата е потценет – што всушност реформираме во образованието?Во „Претрес“ вечерва зборуваме за купените дипломи, за приватните факултети и за „потписите“ што одлучуваат дали една диплома ќе вреди – или ќе остане безвредно парче хартија. Отвораме и прашање за функционерите кои магистрираат додека извршуваат министерска функција – дали образованието станува алатка за титули, наместо систем за знаење?Какви се успесите во образованието кога на улиците гледаме дека се нема ниту основна култура?Ќе слушнете за наставниците со ниски плати, за основците кои учат несоодветни содржини додека носат ранци од кои добиваат сколиоза, но и за занаетчиите кои со години се маргинализирани во систем што декларативно зборува за реформи.Во емисијата носиме и сведоштва на млади академски граѓани кои својата иднина ја пронашле надвор од државата.Реформа или привид? Знаење или титула? Гледајте во живо и поставувајте прашања:
(🔴ВО ЖИВО) „Претрес“ на Јаневска: Штанцање на закони, купување дипломи, ниска култура, (не)писменост, политика
Сподели го овој напис