Две одделни пријави за семејно насилство се евидентирани во текот на 20 февруари во Свети Николе и Делчево, информира Министерството за внатрешни работи.Во 17:00 часот во Свети Николе, полициски службеници од ОВР Свети Николе го лишиле од слобода Р.А.(21), по претходна пријава дека во домот физички ја нападнал неговата 34-годишна партнерка и ѝ ги одзел мобилниот телефон и клучевите од возилото. По целосно документирање на случајот ќе биде поднесен соодветен поднесок.Истата вечер, во 18:30 часот во Полициската станица Делчево, полициски службеници извршиле службен разговор со Ш.М.(37) од Делчево, по пријава дека физички ја нападнал неговата 44-годишна сестра, при што употребил тврд предмет и упатувал закани.Од МВР информираат дека и во двата случаи се преземаат мерки за целосно документирање, по што ќе следуваат соодветни поднесоци.
Сподели го овој напис