На 5 јули 2025 година, околу 12:30 часот, на крстосницата меѓу улиците „Орце Николов“ и „Миладин Поповиќ“ во центарот на Скопје се случила сообраќајна несреќа во која биле вклучени патничко возило „Дачија“, управувано од 49-годишниот М.Ц., и мотоцикл марка „Пиаџо“, со кој управувал 27-годишниот Л.С., и двајцата од Скопје.
Според информациите од Министерството за внатрешни работи, мотористот се здобил со тешки телесни повреди, кои му биле констатирани во Градската општа болница „Св. Наум Охридски“.
На местото на несреќата извршен е увид од увидна екипа на СВР Скопје, а се работи на целосно расчистување на околностите под кои се случил инцидентот.