Во саботата попладне на улицата „Борис Сарафов“ во Скопје, 29-годишен маж се здобил со тешки телесни повреди откако со електричен тротинет удрил во отворена врата од паркирано возило, информира Министерството за внатрешни работи.
Според пријавата во СВР Скопје, несреќата се случила на 28 јуни 2025 година околу 13:20 часот, кога Ф.К. (29) од Скопје, управувајќи електричен тротинет, удрил во отворената врата на патничко возило марка „Мерцедес“ со скопски регистарски ознаки. Возилото било претходно паркирано од 21-годишниот Б.Б. од селото Грчец.
Во несреќата, возачот на тротинетот се здобил со тешки повреди, кои му биле констатирани во Комплексот клиники „Мајка Тереза“. На местото на инцидентот извршен е увид од увидна екипа на СВР Скопје, а се работи на целосно расчистување на случајот.