На 17.10.2024 во 11.00 часот на Граничниот премин Табановце, на влез во државата, полициски службеници го лишиле од слобода Б.Н.(70) од Република Турција поради тоа што при извршени проверки било констатирано дека за патничко возило „мерцедес бенз“ и приколка „кандил“ со турски национални ознаки приложил фалсификувани зелени карти. Тој бил предаден на полициски службеници во СВР Куманово за понатамошна постапка.
На 17.10.2024 во 17.20 часот на Граничниот премин Богородица, на влез во државата, полициски службеници го лишиле од слобода И.С.(39) од Русија, кој управувал патничко возило „бмв х5“ со грчки национални ознаки, поради тоа што при извршени проверки било констатирано дека при контролата приложил фалсификувана возачка дозвола.
Тој бил предаден во Одделението за прекуграничен криминал, миграции, странци и реадмисија Гевгелија за понатамошна постапка.