Вчера во 05.20 часот во Полициската станица Струмица било пријавено дека во село Мокриево, струмичко, се случила сообраќајна несреќа помеѓу трактор „фергусон 595“ со струмички регистарски ознаки, управуван од 48-годишниот К.И. од село Мокриево, струмичко и патничко возило „сузуки“ со струмички регистарски ознаки, управувано од 64-годишниот Ѓ.Б. од село Градашорци, струмичко.
Во несреќата со тешки телесни повреди се здобил возачот на патничкото возило, констатирани во Медицински центар Струмица, а увид на местото извршила екипа на Полициската станица Струмица.
