Полицијата презема мерки за расчистување на случај во кој на социјална мрежа биле објавени фотографии од малолетник проследени со заканувачки пораки насочени кон него и неговото семејство.Како што информираат од СВР Тетово, на 16 јуни во 14:20 часот во полициска станица, 53-годишниот И.А. од гостиварското село Чегране пријавил дека на социјална мрежа биле објавени фотографии од неговиот малолетен син, заедно со текстови кои содржеле закани по животот и безбедноста на членовите на неговото семејство.За случајот бил известен надлежен јавен обвинител, а полициските службеници преземаат мерки и активности за целосно расчистување на настанот и утврдување на одговорноста.
Сподели го овој напис