Педесет и петгодишен мопедист од Свети Николе се здобил со тешки телесни повреди во сообраќајна несреќа што се случила вчера на улицата „Филип Втори“ во градот.Според информациите од Министерството за внатрешни работи, случајот бил пријавен на 15 јуни во 11:40 часот. Во несреќата учествувале патничко возило „Фолксваген“ со светиниколски регистарски ознаки, управувано од 25-годишната С.Д. од Свети Николе, и мопед со светиниколски регистарски ознаки, зад чиј управувач бил Т.Ш. (55), исто така од Свети Николе.Во судирот, возачот на мопедот се здобил со тешки телесни повреди, кои биле констатирани во Клиничката болница во Штип, каде што му била укажана лекарска помош.Увид на местото на настанот извршила увидна екипа на ОВР Свети Николе, а се работи на утврдување на причините и околностите што довеле до сообраќајната несреќа.
Сподели го овој напис