Седумнаесетгодишен малолетник од Тетово бил лишен од слобода откако претходно доживеал сообраќајна незгода, при што било утврдено дека управувал мопед без возачка дозвола.Според информациите од СВР Тетово, на 15 јуни околу 23:10 часот на улицата „Љуботенска“ во Тетово, малолетникот, управувајќи мопед, изгубил контрола над возилото и паднал на коловозот.По незгодата, тој сам се упатил во Клиничката болница во Тетово, каде му била укажана лекарска помош. Подоцна, поради тоа што го управувал мопедот без возачка дозвола, бил лишен од слобода. Во присуство на родител, инспектор за малолетници и адвокат, со него бил извршен службен разговор, додека мопедот бил одземен.
Сподели го овој напис