Двајца турски државјани биле лишени од слобода на Граничниот премин Деве Баир, откако при граничните проверки било утврдено дека приложиле фалсификувани зелени карти за товарните возила и приколките со кои патувале.Според информациите од Министерството за внатрешни работи, на 11 јуни во периодот од 21:30 до 21:40 часот, полициски службеници од Полициската станица за граничен премин и граничен надзор Деве Баир ги привеле Х.Х. (47) и М.Д. (47), двајцата државјани на Република Турција.При извршените пасошки контроли и гранични проверки било констатирано дека Х.Х., кој допатувал со товарно возило „ман“ со полуприколка со турски национални ознаки, како и М.Д., кој управувал товарно возило „рено“ со полуприколка со турски ознаки, на увид доставиле фалсификувани зелени карти за возилата и приколките.Двајцата биле предадени на полициски службеници од ОВР Крива Паланка, а по целосно документирање на случаите против нив ќе бидат поднесени соодветни пријави.Од МВР информираат дека се преземаат сите неопходни мерки за расчистување на околностите поврзани со случајот.
Сподели го овој напис