Дваесет и осумгодишен жител на Кичево бил лишен од слобода откако полициска контрола утврдила дека управувал мопед без воопшто да се стекне со право на управување.Како што информира Министерството за внатрешни работи, на 11 јуни во 20:50 часот, на магистрален пат во Кичево, полициски службеници сопреле мопед со кичевски регистарски ознаки. При контролата било утврдено дека мопедот го управувал М.Н. (28) од Кичево, без претходно да има положено возачки испит и без да поседува возачка дозвола.По наредба на јавен обвинител, мопедот бил одземен, а против лицето ќе биде поднесена кривична пријава по член 297-а од Кривичниот законик, кој се однесува на кривичното дело „безобѕирно управување со моторно возило“.По целосно документирање на случајот, ќе следува натамошна законска постапка.
Сподели го овој напис