Врсничко насилство во Врапчиште: Мајка тврди дека нејзините деца со месеци се жртви на малтретирање

Случај на можно врсничко насилство се истражува во гостиварското село Врапчиште, откако мајка пријавила дека нејзините две малолетни деца биле физички нападнати од други малолетници од селото.Како што информираат од Министерството за внатрешни работи, на 11 јуни во 10:20 часот во ОВР Гостивар, 29-годишната С.А. од Врапчиште пријавила дека претходниот ден, околу 10:00 часот, нејзините две деца биле физички нападнати од двајца малолетници.Според пријавата, истите малолетници и ден претходно физички ја нападнале нејзината ќерка. Мајката навела дека не станува збор за изолиран инцидент, туку дека подолг временски период нејзините деца биле изложени на вербално и физичко насилство.Од МВР соопштија дека се преземаат мерки за целосно расчистување на случајот, а постапувањето се реализира во соработка со Центарот за социјални работи Тетово.Надлежните институции ќе ги утврдуваат сите околности и ќе постапат согласно законските надлежности, имајќи ја предвид чувствителноста на случајот и фактот дека станува збор за малолетни лица.