Пет лица биле лишени од слобода во Битола, Прилеп и Скопје во текот на изминатото деноноќие, откако кај нив била пронајдена дрога, информира Министерството за внатрешни работи.Во Битола, на улицата „Филип Втори Македонски“, полициски службеници го привеле П.П. (44) од Битола, кај кого била пронајдена и одземена марихуана.Во Прилеп, на улицата „Прилепски бранители“, бил приведен Д.К. (36) од Прилеп, откако кај него биле пронајдени грутчеста и прашкаста материја.Во Скопје, пак, на различни локации, полициски службеници ги лишиле од слобода Р.М. (28), В.С. (32), двајцата од Скопје, како и А.Ѓ. (24) од Кривопаланечко. Кај нив биле пронајдени и одземени бела прашкаста материја, марихуана и нож.Од МВР информираат дека по целосно документирање на случаите, против приведените лица ќе бидат поднесени соодветни поднесоци.
Сподели го овој напис