Мопед и „хјундаи“ се судрија во Црешево, мопедистот со тешки повреди пренесен на Клинички

Дваесет и деветгодишен мопедист се здобил со тешки телесни повреди во сообраќајна несреќа што се случила во скопското село Црешево.Како што информира Министерството за внатрешни работи, на 8 јуни во 12:40 часот во СВР Скопје било пријавено дека во селото Црешево се случила сообраќајна несреќа помеѓу мопед со скопски регистарски ознаки, управуван од М.К. (29) од Скопје, и патничко возило „хјундаи“ со скопски регистарски ознаки, кое го управувала 40-годишната М.Т., исто така од Скопје.Во несреќата возачот на мопедот М.К. се здобил со тешки телесни повреди, кои биле констатирани во Ургентниот центар при Комплексот клиники „Мајка Тереза“ во Скопје.Увид на местото на несреќата извршила увидна екипа од СВР Скопје, а се работи на целосно расчистување на околностите под кои се случил судирот.