Четириесет и четиригодишна жена од Скопје се здобила со тешки телесни повреди откако паднала во одводна шахта додека управувала велосипед.Како што информираат од Министерството за внатрешни работи, на 7 јуни во 16:40 часот во СВР Скопје од Ургентниот центар при Комплексот клиники „Мајка Тереза“ било пријавено дека кај нив била донесена С.С. (44) од Скопје со тешки телесни повреди.Според пријавеното, несреќата се случила претходниот ден, на 6 јуни околу 21 часот на улицата „Жан Жорес“ во Скопје. Додека управувала велосипед, таа паднала во одводна шахта, при што се здобила со сериозни повреди.За случајот бил извршен увид од увидна екипа на СВР Скопје, а се работи на утврдување на сите околности поврзани со несреќата.
Сподели го овој напис