Полициски службеници од Битола и Прилеп во текот на вчерашниот ден лишиле од слобода четири лица кои биле затекнати како управуваат моторни возила без да поседуваат возачка дозвола.Како што информира Министерството за внатрешни работи, првото приведување било извршено во 15:30 часот на улицата „Генерал Васко Карангелески“ во Прилеп. Полициски службеници од ОВР Прилеп го привеле Џ. Р. (26) од Прилеп, кој управувал мотоцикл „Хамачи“ со битолски регистарски ознаки, без да поседува возачка дозвола.Подоцна, во 16:25 часот, на улицата „Димитар Илиевски-Мурато“ во Битола, бил приведен В. П. (24) од Битола. При сообраќајна контрола било утврдено дека управувал мопед „Априлија“ со битолски регистарски ознаки, без возачка дозвола.Во 18:20 часот, на улицата „4 Ноември“ во Битола, полициски службеници го лишиле од слобода Б. Г. (36) од Битола, кој управувал патничко возило „Фолксваген Голф“ без да има соодветна дозвола за управување.Третото приведување во Битола било извршено во 22:20 часот на булеварот „1 Мај“, каде што бил затекнат О. Р. (21) од Битола како управува мотоцикл „Хамачи“ без регистарски ознаки и без возачка дозвола.Од МВР информираат дека по целосното документирање на сите случаи против лицата ќе бидат поднесени соодветни пријави.
Сподели го овој напис