Петнаесетгодишен малолетник од Свети Николе се здобил со тешки телесни повреди откако паднал од велосипед во „Новиот парк“ во градот.Според информациите од Министерството за внатрешни работи, несреќата се случила на 2 јуни околу 20 часот на некатегоризиран пат во паркот, кога малолетникот, управувајќи велосипед, изгубил контрола и паднал на коловозот.По несреќата тој бил пренесен во Клиничката болница во Штип, каде што му биле констатирани тешки телесни повреди.Увид на местото на настанот извршила увидна екипа од ОВР Свети Николе.
Сподели го овој напис