Министерството за внатрешни работи информира дека на 6 јуни (сабота) во Скопје ќе биде воведен посебен режим на сообраќај поради одржување на ревијална трка.Како што соопшти МВР, од 17 до 18 часот Единицата за безбедност на патниот сообраќај при СВР Скопје ќе презема мерки за безбедно и непречено одвивање на настанот.Трасата на трката ќе започне од Порта Македонија, ќе продолжи по улиците „Димитрие Чупоски“ и „Васил Главинов“, потоа по булеварот „ВМРО“ и булеварот „Илинден“, сè до крстосницата со улицата „Наум Наумовски Борче“ кај Градскиот парк и споменикот на Гоце Делчев.За време на одржувањето на трката, сообраќајот ќе биде пренасочуван по околните сообраќајници.МВР апелира до граѓаните да ги почитуваат насоките и наредбите на полициските службеници на сообраќајниците опфатени со посебниот режим на движење.
Сподели го овој напис