Полицијата лишила од слобода двајца млади возачи во Гостиварско и Тетовско, откако биле затекнати како управуваат возила без да поседуваат возачка дозвола.На 4 јуни околу 21:15 часот на улицата „Млаки“ во Гостивар, полициски службеници го привеле 22-годишниот Н.М. од село Врапчиште. При контролата било утврдено дека управувал патничко возило „Фолксваген Голф“ со гостиварски регистарски ознаки без положен возачки испит. Возилото било одземено.Само 45 минути подоцна, во тетовското село Нераште, полициски службеници од Полициското одделение Теарце го лишиле од слобода 20-годишниот Х.Р. од истото село. Тој бил затекнат како управува патничко возило „БМВ“ со тетовски регистарски ознаки без да поседува возачка дозвола. И неговото возило било одземено.По целосно документирање на двата случаи, против лицата ќе бидат поднесени соодветни пријави.
Сподели го овој напис