Седумдесет и едногодишен жител на Тетово пријавил во полиција дека бил измамен за 500 евра од 50-годишен маж од село во општина Боговиње.Според информациите од СВР Тетово, случајот бил пријавен на 3 јуни околу 15:25 часот. Пријавителот навел дека осомничениот му ветил помош во постапката за добивање право на туѓа нега.Како што е пријавено, тетовецот му ги предал своите лични документи и му исплатил 500 евра, верувајќи дека ќе му помогне да ја заврши потребната процедура.По добивањето на парите, лицето престанало да одговара на телефонските повици и го прекинало секој контакт со оштетениот.Од полицијата информираат дека се преземаат мерки за целосно расчистување на случајот и утврдување на сите околности поврзани со измамата.
Сподели го овој напис