Вработен во МЕПСО се здобил со изгореници при извршување работни задачи

Вработен во АД „МЕПСО“ се здобил со изгореници при извршување работни задачи во трафостаница во близина на Битола.Како што информираат од МВР, на 2 јуни 2026 година во 10:00 часот во СВР Битола од Итната медицинска помош било пријавено дека кај нив бил донесен Д.Д. (42) од Скопје со повреди од изгореници.Според првичните информации, тој бил повреден додека извршувал работни задачи во трафостаница на патниот правец Битола–Прилеп, во близина на селото Крклино.На местото на настанот увид извршила екипа на СВР Битола, а за случајот бил известен и трудов инспектор. Надлежните институции работат на утврдување на причините и околностите под кои настанала несреќата.