Министерството за внатрешни работи информира дека во текот на изминатото деноноќие биле евидентирани седум случаи на семејно насилство на различни локации низ државата, при што три лица биле лишени од слобода, а со едно лице бил извршен службен разговор.Во Скопје, полициски службеници го привеле Г.К. (30), откако бил пријавен дека во семејниот дом физички ја нападнал својата мајка, при што употребил и тврд предмет.Во друг случај во скопско, 27-годишна жена пријавила дека нејзиниот сопруг Џ.Б. (29) физички ја нападнал неа и нивниот малолетен син, а при нападот користел тврд предмет.Во Полициската станица Ѓорче Петров бил извршен службен разговор со Т.Т. (49), по пријава дека физички ја нападнал својата малолетна ќерка.Во Охрид бил уапсен К.Л. (33), откако неговата сопруга пријавила дека по расправија се обидел да ја нападне со остар предмет и ѝ упатувал закани.Во Берово, 43-годишна жена пријавила дека нејзиниот сопруг М.Д. ја нападнал со метален предмет по претходна расправија во семејниот дом.Полициски службеници во Тетово го лишиле од слобода Б.А. (37), по пријава од неговата поранешна партнерка дека ја следел и вознемирувал, а потоа насилно влегол во нејзиното возило и ѝ го одзел мобилниот телефон.Во Велес, 75-годишна жена пријавила дека нејзиниот сопруг физички ја нападнал користејќи пластичен и дрвен предмет.Од МВР информираат дека се преземаат мерки за целосно расчистување на сите случаи, по што против сторителите ќе бидат поднесени соодветни пријави.
Сподели го овој напис