Педесет и двегодишен жител на тетовското село Порој се здобил со тешки телесни повреди откако паднал од мопед на булеварот „Видое Смилевски Бато“ во Тетово.Од СВР Тетово информираат дека на 1 јуни во 18:12 часот од Клиничката болница во Тетово било пријавено дека кај нив со тешки повреди бил донесен А.П. (52) од село Порој.Според првичните информации, несреќата се случила околу 16:30 часот, кога тој управувал мопед со скопски регистарски ознаки и изгубил контрола над возилото, по што паднал на коловозот.Во несреќата возачот се здобил со тешки телесни повреди, кои биле констатирани во тетовската болница.За случајот е известен јавен обвинител, а увид на местото на несреќата извршила екипа на СВР Тетово.Се преземаат мерки за целосно расчистување на околностите под кои се случила несреќата.
Сподели го овој напис