Педесетгодишен жител на Гостивар е лишен од слобода по полициска акција спроведена врз основа на судска наредба, при која биле пронајдени предмети поврзани со повеќе кривични дела.Како што информираат од Министерството за внатрешни работи, на 1 јуни 2026 година околу 17 часот полициски службеници од Одделението за внатрешни работи Гостивар го привеле Т.Џ. (50) од Гостивар.Претходно бил извршен претрес во неговиот дом во рамки на истрага поврзана со кривични дела предвидени во членовите 237, 396 и 215 од Кривичниот законик.При претресот, во една од просториите била пронајдена облека која, според првичните сознанија, е поврзана со кривичното дело „разбојништво“. Дополнително, на балконот од домот била откриена саксија во која имало две стебла од растението канабис.Сите пронајдени предмети биле одземени за понатамошна постапка и вештачење.Осомничениот е задржан во полициска станица, а по целосно документирање и расчистување на случајот против него ќе биде поднесена соодветна кривична пријава.Од МВР засега не соопштуваат дополнителни детали за истрагата.
Сподели го овој напис