Во текот на мај годинава, системот „Безбеден град“ регистрирал вкупно 28.494 сообраќајни прекршоци на подрачјата на градовите и патните коридори каде што се поставени камери, информира Министерството за внатрешни работи.Според податоците на МВР, најголем дел од прекршоците се однесуваат на управување возило со брзина поголема од дозволената. Во текот на месецот биле евидентирани 27.360 вакви случаи.Дополнително, регистрирани се 833 прекршоци за управување возило со истечена важност на сообраќајната дозвола, како и 301 случај на минување на затворен сигнал – црвено светло.Во истиот период биле изречени вкупно 781 мерка забрана за управување со возило. Од нив, 295 се однесуваат на минување на црвено светло, а 486 за брзо возење.Од забраните за брзо возење, 347 се изречени за возачи кои се движеле со брзина поголема од 80 километри на час во населено место, 86 за надминување на ограничувањето утврдено за самото возило, а 83 за возење со брзина поголема од 170 километри на час во ненаселено место.Од МВР посочуваат дека во споредба со април е забележано намалување од 7,9 проценти на прекршоците за управување нерегистрирано возило.„Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за посигурни и побезбедни патишта“, наведуваат од Министерството за внатрешни работи.
Сподели го овој напис