Триесет и двегодишен жител на Радовиш е приведен од полициски службеници во струмичкото село Мокрино, откако бил баран со потерница за издржување затворска казна.Според информациите од Министерството за внатрешни работи, на 29 мај околу 13:30 часот, полициски службеници од СВР Струмица – Полициско одделение Ново Село го лишиле од слобода Ф.И. (32) од Радовиш.При проверките било утврдено дека тој се барал по распишана потерница за издржување казна затвор во траење од 10 месеци, изречена за сторено кривично дело „кражба“.По приведувањето, лицето било спроведено во Казнено-поправната установа „Затвор Струмица“, каде ќе ја издржува затворската казна.
