СВР Тетово информира дека на 21 мај 2026 година во ОВР Гостивар било пријавено дека околу 17:40 часот на улицата „Кеј Вардар“ избувнал пожар во маркет, односно во објект во кој се чувала разновидна амбалажа и картонски пакети.Според информациите, од пожарот биле зафатени и оштетени трактор „ИМТ 539“ и патничко возило Volkswagen Passat со гостиварски регистарски ознаки, сопственост на Х.З.(61) од Гостивар.Дополнително, оштетени биле и два надворешни клима-уреди, агрегат и дел од фасада на трговски објект, како и надворешен дел од стан на приземје во соседна зграда, сопственост на Е.Д.(47) од Гостивар.Во пожарот нема повредени лица, а огнот бил изгаснат од екипа на Територијалната противпожарна единица Гостивар.Увид на местото извршила екипа од ОВР Гостивар.
Сподели го овој напис