Во текот на изминатото деноноќие, полициски службеници на територијата на целата држава лишиле од слобода седум возачи поради безобѕирно управување со возило, информира Министерство за внатрешни работи.Според информациите, петмина од возачите управувале возило без возачка дозвола, додека двајца возеле и покрај тоа што имале активна забрана за управување.Еден возач бил приведен во Македонски Брод, а по двајца во Скопје и Прилеп поради управување без возачка дозвола. Еден од приведените во Прилеп бил и под дејство на алкохол.Дополнително, по еден возач во Скопје и Кичево биле затекнати како управуваат возило иако имале активна забрана.Од МВР најавија дека по целосно документирање на случаите ќе бидат поднесени соодветни кривични пријави.Од полицијата апелираат граѓаните да ги почитуваат сообраќајните правила, да не управуваат возила без положен возачки испит, под дејство на алкохол или доколку им е изречена забрана за управување.
Сподели го овој напис