Адвокатката Ивана Коцевска, која го брани првообвинетиот Дејан Јовановски-Деко, обвинет за трагедијата во „Пулс“, каде загинаа 63 лица, вели дека би се согласила газда Деко да одговара за предизвикување општа опасност и немање дел од соодветната и неопходна опрема.„Дискотеката Пулс имала 5 ПП апарати, од кои два биле на сервисирање критичната ноќ. Не се запали дискотеката поради спуштените завеси или сунѓерот. Треба да сме реални, пожарот е предизвикан поради внесените прскалки“, тврди адвокатката Ивана Коцевска.Дејан Јованов вели дека не знаел за пиротехниката која била донесена во „Пулс“.„Дејан не знаел дека ќе биде внесена таква пиротехника. Да знаел, ќе ангажирал соодветни лица. Во 22:56 Дејан пристигнал во дискотеката. Групата порано дошла, а пиротехниката ја внеле подоцна, во 40 минути по полноќ“, вели адвокатката и посочи дека никој не ја претресол ниту групата ниту гостите.
