Министерството за внатрешни работи соопшти дека на 11 мај полициски службеници од СВР Скопје го лишиле од слобода Ф.Д. (27) од Скопје.Според информациите, околу 16:20 часот на подрачјето на Аеродром, тој од патничко возило „бмв“ со скопски регистарски ознаки, кое било во движење, пукал во воздух со сигнален пиштол.Со Ф.Д. бил извршен службен разговор, а од него бил одземен сигнален пиштол со рамка во која имало 11 парчиња муниција од калибар 9 милиметри, за кој не поседувал дозвола.За случајот бил известен јавен обвинител, а по негово документирање против осомничениот ќе биде поднесена кривична пријава по член 396 од Кривичниот законик.
Сподели го овој напис