Во заедничка акција на Министерство за внатрешни работи на Србија и Министерство за внатрешни работи, во Скопје е уапсен 42-годишниот С.М., осомничен дека планирал извршување тешки кривични дела.Според соопштението на српското МВР, при претрес на стан и други простории што ги користел осомничениот во Скопје, биле пронајдени лична карта на друго лице издадена од Србија, црна тактичка униформа, воен нож, пиштол „CZ“, муниција и мала количина марихуана.Од српското МВР наведуваат дека постои сомнение оти С.М. нелегално влегол на територијата на Македонија и дека планирал да изврши тешки кривични дела во име на членови на криминална група.Според првичните информации, се сомнева дека целта најверојатно била извршување кривично дело убиство.
Сподели го овој напис