Полициски службеници од ОВР Гостивар лишиле од слобода 28-годишен жител на селото Сенокос, откако при претрес во неговиот дом била пронајдена марихуана.Како што информираат од Министерството за внатрешни работи, акцијата била спроведена на 17 април 2026 година, врз основа на судска наредба, при што бил извршен претрес во домот и помошните простории на Ј.А. (28).При претресот, полицијата пронашла и одзела марихуана, по што лицето било лишено од слобода.Од МВР најавуваат дека по целосно документирање на случајот, против осомничениот ќе биде поднесена соодветна кривична пријава.
Сподели го овој напис