Семејно насилство е пријавено на подрачјето на Бит Пазар во Скопје, каде 31-годишна жена пријавила дека била физички нападната од сопругот, информира Министерството за внатрешни работи.Според пријавата, на 02.04.2026 година околу 18:42 часот, сопругот ја заклучил во тоалетот во нивниот дом, а по извесно време и физички ја нападнал, по што ја избркал од домот.Жената навела дека и нивните четири малолетни деца биле заклучени во тоалетот.Таа пријавила и дека подолг период била изложена на физичко и психичко малтретирање, но досега не го пријавувала случајот во полиција.Од МВР информираат дека се преземаат мерки за расчистување на случајот.
Сподели го овој напис