Ристо Катавеновски, поранешниот и разрешен врховен судија, адвокат на Драган Стојановски, специјалец од ЕБР, осуден на 11 години затвор за нелегално тргување со дрога и оружје е гостин во „Претрес со Ландов”.За случајот вели дека се виси и се е спорно. Нема одземено дрога и оружјето му било легално.„Катастрофална е состојбата во правосудството. Промени мора да има. Да се распушти и одново да се почне. Има и добри судии, но голем дел не”, вели Катавеновски кој тврди дека судот нема допир со истрагата, а грешка е што обвинителството ја води истрагата.„Имаме се понеквалитетни, млади судии. Судијкате Емране Селмани, која го судеше предметот на Драган Стојановски, ме разочара. Не ни дозволија приговори на се што изнесе обвинителството”, вели Катавеновски.Во врска со вчерашната одлука на Советот на јавни обвинители четири судии да добијат позитивна оценка и да ја префрлат топката кај Владата, вели Советот си ја ишка мувата од капата.„Излези и кажи овој треба да биде, а не вака.Во Советот на јавни обвинители и во Судскиот совет треба да има добри и еминентни правници, кои ги знаат сите. Мора промена на законите. Политиката многу сака да влезе во правосудството”, вели Катавеновски, кој не е сигурен дека Владимир Панчевски е правично елиминиран од трката за нов државен обвинител.Катавеновски во Претрес ќе говори и за тоа што кријат пораките од групата од Грчец.Следете во живо:
(Во живо) Адвокат Катавеновски: Политиката сака да влезе во правосудството, состојбата таму е катастрофална
