Бебе било пронајдено починато во семеен дом на подрачјето на Шуто Оризари, информира Министерството за внатрешни работи.
Според информациите од МВР, на 10 јануари 2026 година околу 08:00 часот, во СВР Скопје од Итната медицинска помош било пријавено дека во дом на ова подрачје има починато бебе. На местото на настанот излегол лекар кој констатирал смрт без видливи траги на насилство.
Полициски екипи извршиле увид, а по наредба на надлежен јавен обвинител, телото на починатото бебе било предадено на обдукција, со цел да се утврдат точните причини за смртта.
Надлежните институции продолжуваат со постапување по случајот.