СВР Куманово поднесе кривична пријава против Л.А. (26) од Куманово, поради постоење основи на сомнение дека сторил кривично дело „злоупотреба на лични податоци“, соопшти Министерството за внатрешни работи.
Според информациите од МВР, на 28 октомври 2025 година, пријавениот преку свој профил на социјална мрежа објавувал експлицитни фотографии и видеа од женско лице, без нејзина согласност.
Со ваквото постапување, осомничениот неовластено ги злоупотребил личните податоци и приватноста на оштетеното лице, поради што против него е поднесена соодветна кривична пријава.
Од МВР најавуваат дека постапката продолжува, а случајот ќе биде процесуиран до надлежното јавно обвинителство.