Деветнаесетгодишно момче било пронајдено мртво во семејниот дом во селото Огњанци, скопско, информира Министерството за внатрешни работи. Случајот бил пријавен вчера, на 4 декември, во 15:38 часот во СВР Скопје.
Екипа на Итната медицинска помош излегла на терен и констатирала смрт без видливи траги на насилство. По наредба на надлежен јавен обвинител, телото на починатиот е предадено на обдукција со цел утврдување на причината за смртта.
Полицијата во координација со обвинителството презема мерки за целосно расчистување на случајот.