Министерството за внатрешни работи регистрираше два одвоени случаи на насилство и повреда во Скопје и во Илинден.
Според информациите од МВР, на 4 декември околу 19 часот во СВР Скопје пријавил 34-годишен скопјанец кој бил нападнат еден час претходно на подрачјето на Карпош. Тој изјавил дека три непознати лица го испрскале со пепер-спеј, физички го нападнале и му го одзеле мобилниот телефон. Полицијата презема мерки за целосно расчистување на случајот и идентификација на напаѓачите.
Во друг инцидент, на 5 декември во 00:20 часот во СВР Велес било пријавено дека претходниот ден во фабрика на подрачјето на општина Илинден, 49-годишна работничка од Велес се здобила со тешка телесна повреда додека извршувала работни задачи. Повредата е констатирана во Општата болница во Велес. Полицијата работи на утврдување на околностите под кои се случила несреќата.